Aysonı doğqanı
2
U günlerde Avgustus kaysa püştün Roma dünyasında kiş-sanax dıncı etgine qayda bur çıxırcı.
2 Bu dıncı etganı Kürenis Suriyaniği zundusı volğan vaxdağı burıncı gez kiş-sanaxdır.
3 Her kiş dıncı etgine vulı izıniği şehirına varcı.
4 Yusufu Davudiniği zahsañından ma xuurınından çıxqucı volğanniği,
u hem Celilediği Nasıra şeherden Yehudayadağı Davudiniği şehirı Betleheme çıxbarcı.
5 U izığa kin engen,
boyağır volğan Meremla burlığı dıncı etme varcı.
6 Ular anda volğanda,
Meremniği ayınqusı vaxı yetci.
7 İnci u doñquşa oğıl bur doğcı.
Qonax-öyde oturğusı yür yoxqanniği,
Merem iz aybalasını bözla bolı soğu işinde yatırcı.
Melyayikeler ma qoy kütgucılar
8 Vucağındağı çelde qoy kütgucılar oturba,
ular gecisına qoy sıxlaba.
9 Rabniği melyayikesı burı ulıra görünci,
Rabniği şerifusı hem ularniği tönen-qırğına enci.
İnci ular xorğı paqqıracı.
10 Melyayikeçüx ulıra “Xorğıma!
Men selere heme xalqını cıxıñ söyündürğüsı yaxşı xeberor ahgelci.
11 Buğün Davudiniği şehirında selere vulı Dacuu etgucı bur doğcı,
U Rab Mesihdır.
12 Selere belisgi alyametor volar:
Seler aybalor datar,
anı bözla bolıqalı soğu işinde yatırbur” edici.
13 Lorcıxqı melyayikeçüxniği yanında asmandağı cunduy yarağor görünci,
ular Xudağa hamd itı
14 “Bixicüğülerde Xudağa şerifu volğı,
Yer yüzünde U ninden verğen kişlere salim volğı!”
edici.
15 Melyayikeçüxler qoy kütgucılardan garlanbarı asmana çıxbarqalı,
qoy kütgucılar bur-burlarına “İler Betleheme varalda,
Rab ilere bildirğen bu çıxqan işnı vaxma varal” edeşci.
16 Ular hasgen varı Meremnı,
Yusufunı ma soğu işinde yatqan aybalaçüxnı datcı.
17 Ular görqalı izlere u balaçüxnı ilyoxdan yenşıberğanını kişlere bildirci.
18 Munı iştiğücor izlere qoy kütgucılarniği yenşıberğanından heyran volcı.
19 Merem bu heme işnı gövnünde yığı sumurlacı.
20 Qoy kütgucılar işteğanı ma görğanı noma izlere yenşıberğen kemaçüxa ede,
Xudanı şerifulandarı hamd ete-ete yanbarcı.
21 Sakisinci güne aybalaçüxe sünnet alğan vaxı yetgende,
Aniği adını Ayso qoşcı.
Anı xosaxqa kötgenden ilyox,
bu adçüxnı melyayike Aña verğanıdır.
Şimon ma Hanna Aysonı görğanı
22-23 Mosoniği Qanunına ire ularniği arıtqan günü dolğanda,
Rabniği Qanunında “Doñquşa doğqan heme o balılarnı Rabğe vulı muqaddes sanağı” ede pişteğanına ire,
Yusufu ma Merem işgisı aybalasını Rabğe görğesgine vulı Yerusalime ahgelci;
24 hem da Rabniği Qanunında “öngülüx işgi mu gürğünçüx balası işgi” ede yenşığanına ire ular qurban verci.
25 Yerusalimde Şimon çıxrığan kişor volcı.
Bu kişçüx doğrı ma çenchın idır,
u da İsra'ile teselli etgine güyüba.
Muqaddes Ruxu hem aniği iştında vara.
26 U izı ülğenden ili Rabniği Mesihinı görğüsını Muqaddes Ruxu aña bildirci.
27 Şimon Muqaddes Ruxuniği başlığanıla eybadet-sarığa girci.
Qanunda yenşığan adete ire etgine vulı,
Aysoniği atınası aybalı Aysonı eybadet-sarığa ahgelğende,
28 Şimon Anı qoynuna alı,
Xudağa halqış itı beli edici:
29 “Ya Xuda-Yiğisım,
İzıñniği sözüñe i#05825fe,
İnci bandeñnı pinnençüx bur yığbarduğu;
30-31 Neğe-de heme xalqılarniği ilinde Sen belen etgen dacuuñnı
Men gözümla görci,
32 Milletlere aşgırı etgen yaruxluxnı ma
Xalqıñ İsra'ilniği şerifusını men görci.”
33 Aysoniği atınası Anı yenşığan gahcıdan heyran volcı.
34 Şimon ulıra yaxşı-niyit qılbirı,
Aniği icası Mereme vaxı “Öşür,
bu balaçüxnı İsra'ilde yarağor kişniği yıxılğusına ma damnılğusına vulı,
hem da kişler axqurlağusına to volğına vulı dıñnacı;
35 eliği inci yarağor kişniği sumurlaşı aşgıraçüx çıxgeler,
siniği yiriğiñnı hem qılışla cıllar” edici.
36-37 Anda Aşer bulodan çıxqan Penuvelniği qızı Hanna çıxrığan qadınkiş peyğember hem bur volcı.
U yaş varı,
saksen döt yaş volcı.
Anı kiçi yaşında uzatmış,
u iz güyüsıla yıdı yıl oturqalı goho qalmış.
U rozı çutı,
dovu qılı,
eybadet-sarıdan garlanmi,
gecis-güntüs Xudağa eybadet etba.
38 Cañ u vaxda Hanna ularniği yanına yaxılıgilı,
Xudağa shükür etci.
U dağı bu Balaçüxnı Yerusalimniği cuushu etgusına ümit etgen heme kişlere yenşıberci.
39 Yusufu ma Merem Rabniği Qanunına ire heme işnı itı volqalı,
izlerniği şehirı Celilediği Nasırağa yanbarcı.
40 Bu balaçüx çañnıgilı todañlancı,
Aña aqıl hem dolcı;
Xudaniği nindinı hem Aniği iştında volcı.
Ayso eybadet-sarıda
41 Aysoniği atınası her yıla Pesax aytda Yerusalime varba.
42 Ayso on işgi yaş volğanda,
ular aytniği adetine ire nene Yerusalime çıxbarcı.
43 Ayt ötü volqalı ular yanbığanda,
bu balı Ayso Yerusalimde qalcı,
Aniği atınası munı bilmacı.
44 Ular Aysonı yolcılarniği arasında vara ede,
bur günniği yolnı yürci.
Ardi ular Anı danışlarıniği ma danığan kişlerniği arasında işdici.
45 Anı işde datmağu,
ular Yerusalime işdeme yanbarcı.
46 Üsh günden ardı ular Anı eybadet-sarıda datcı.
U mutalimlerniği arasında otarı,
ularniği yenşığanını diñnanı soruş sorba.
47 Aniği olanqanı ma verğen cavapları Aniği yenşığanını diñnengucora şıça volcı.
48 Atınası Anı görğende heyran volcı,
icası Aña “Oğlım,
Sen ipsere neğe beli etbur ri?
Öşür,
abıñ işgisım da xosax qızaşı Sinı işdibur” edici.
49 Ayso ulıra “Seler Minı neğe işdibur ri?
Men Abımniği öyünde volğu keleğanımnı seler bilmes mi?”
edici.
50 Ese ular izlere U yenşığanını olanmacı.
51 İnci Ayso ularla burlığı Nasırağa engilı,
ularniği gahcasını diñnici.
Aniği icası heme işlernı gövnünde yığcı.
52 Aysoniği aqlı ma poñı ulğıgelci,
Xuda ma kişler hem Anı şıxılacı.