Rut Bovazniği yüdanında
3
Bur gün qaynası Nağomi Rutğa beli edici:
“Qızım,
saña yaxşı volğına vulı,
men saña rahat volğan yüror işdebiğüsı emesdır ru?
2 Sen yoğmularıla burlığı iş etgen Bovaz ilerniği ağini emesdır mi?
Öşür,
u sodı yüdünde ahrı sorığa.
3 Sen yuda yaslanda,
donıñnı giyde yüdüne ende var.
Ese u işi-yiyi volğunçüxor,
sen izıñnı aña görğesme.
4 U yatqanda,
sen aniği yatqan yürünı bilduğu.
İnci sen varda aniği ayaxlarıniği iştındağı örtüğünı söxde,
anda yatduğu.
Sen nañ etgusıñnı u saña yenşıberer.”
5 Rut aña “Sen yenşığanornı men etgi” edici.
6 İnci u yüdüne enbarı,
qaynasıniği emir verğanora ire etci.
7 Bovaz işi-yiyi volqalı gövnü cıdlı,
köyünniği ayağına yatma varcı.
Rut emonçüx gilı,
Bovazniği ayaxlarıniği iştındağı örtüğünı söxü,
anda uzancı.
8 Yarım gecide Bovaz diğ itı oyanı çürengelse,
izıniği ayaxlarıniği yanında qadınkişor uzanba!
9 Bovaz aña “Sen kemdır ri?”
ede sorcı.
U “Men siniği carıxcıñ Rutdır.
Sen cuushu etgusı qañ volğan ağinim eğenniği,
biqırağıñniği ucını carıxcıña bur örtdıver” ede lan verci.
10 Bovaz aña “RAB saña yaxşı viği,
qızım!
Siniği ardiğindiği açışqanıñ iliğindiğine vaxqan da ulıdır.
Yiğitler yox volsa,
bar volsa,
sen ularniği ardına iraşı varmacı.
11 Qızım,
inci xorğaqıma!
Sen yenşığanornı men saña etgi.
Sen sañnığan qadınkişor volğanıñnı şehirımdağı heme kişler bilba.
12 İdır,
men siniği cuushu etgusı qañ volğan ağiniñdır,
ese menden da yaxın ağinor var.
13 Sen büğci munda otur;
ettisı er u kişçüx sinı cuushu etgur dese,
yaxşa,
u cuushu etgi.
U cuushu etmes dese,
men ebedi volğan RABğe zhılağıda şat etgi,
men izım sinı cuushu etgi.
Sen tañıtqunçüxor munda yat” edici.
14 Rut aniği ayaxlarıniği yanında tañıtqunçüxor yatcı.
Bovaz “Yüdüne qadınkiş gelğanını heş kişe bildirme” ede yenşığanniği,
kişler bur-burını danışınqandan ilyox Rut xotcı.
15 Bovaz Rutğa “Poñıña örtünganıñnı ahdiğide,
anı çutda aş” edici.
Rut iz örtünganını çutda aşcı,
Bovaz ahrıdan altı gez öşbirı,
anı Rutniği iştına qoyberci.
İnci Rut şehere yanbarcı.
16 Rut qaynasıniği yanına gelğende,
qaynası aña “Niçixli volcı,
qızım?”
ede sorcı.
Rut izığa Bovaz etgen her işnı Nağomiğe yenşıberci.
17 Rut dağı “U ‘Qaynıñniği yanına quriçüx varqıma’ ede,
maña bu çosı ahrını virır” edici.
18 Nağomi Rutğa “Qızım,
bu işçüx niçixli volğusını sen öşürde güyüdığı,
u kişçüx buğün bu işnı ucına çıxırmısa emon oturmığa” edici.